Aaj News

جمعہ, اپريل 19, 2024  
10 Shawwal 1445  

ٹرانسجینڈرایکٹ کیخلاف درخواست واپس لینے کی بنیاد پرنمٹا دی گئی

وکیل کی درخواست واپس لینے کی استدعا کوعدالت نے منظورکرلیا
شائع 21 اکتوبر 2022 11:30am
تصویر: بی بی سی
تصویر: بی بی سی

لاہورہائیکورٹ نے ٹرانسجینڈرایکٹ کے رولز کے خلاف درخواست واپس لینے کی بنیاد پرنمٹا دی۔

لاہور ہائیکورٹ کے جسٹس شجاعت علی خان نے مقامی وکیل عمران جاوید کی درخواست پرسماعت کی، درخواست گزار وکیل نے نکتہ اٹھایا کہ کوئی بھی رول آئین سے متصادم نہیں بنایا جاسکتا۔

جسٹس شجاعت علی خان نے وکیل سے استفسار کیا کہ وہ اس معاملے میں کیسے متاثرہ فریق ہیں۔ وکیل نے موقف اختیار کیا کہ ٹرانسجینڈر کے حوالے سے جو رول بنائے گئے ہیں اس سے اس کے حقوق متاثر ہوسکتے ہیں۔

فاضل جج نے باور کرایا کہ ٹرانسجینڈر ایکٹ کے خلاف درخواست پہلے ہی عدالت مفاد عامہ کے تحت سن رہی ہے۔ وکیل بے نشاندہی کی کہ ایکٹ چیلنج نہیں کیا بلکہ ان کے رولز چیلنج کیے ہیں۔

وکیل نے استدعا کی کہ درخواست واپس لینے کی اجازت دی جائے واپس لینا چاہتا ہے، جسے عدالت منظور کر لیا۔

lahore

Lahore High Court

Transgender Act

Comments are closed on this story.

تبصرے

تبولا

Taboola ads will show in this div