Aaj News

پیر, اپريل 22, 2024  
13 Shawwal 1445  

عمران خان کی نااہلی: الیکشن کمیشن کے باہر فائرنگ، پی ٹی آئی کے رکن اسمبلی گرفتار

پولیس اہلکاروں نے گارڈ سے کلاشنکوف چھین لی...
اپ ڈیٹ 21 اکتوبر 2022 04:43pm
اسکرین گریب
اسکرین گریب

توشہ خانہ ریفرنس میں عمران خان میں نااہلی کے فیصلے کے بعد الیکشن کمیشن کے باہر فائرنگ کا واقعہ پیش آیا ہے۔

اسلام آباد پولیس نے پولیس اہلکار سے ہاتھا پائی کے بعد ممبر قومی اسمبلی صالح محمد کو گرفتارکرلیا ہے۔

ذرائع کے مطابق پولیس اہلکار نے ایم این اے کے صالح محمد کے سیکیورٹی گارڈ سے بندوق چھیننے کی کوشش کی، اس دوران اچانک گولی چل گئی۔

پولیس اہلکاروں نے گارڈ سے کلاشنکوف چھین لی۔

اسلام آباد پولیس کی جانب سے جاری بیان میں کہا گیا کہ ریڈ زون کے اندر کسی قسم کا ہتھیار لے جانا خلاف قانون ہے۔ پولیس اہلکار ایم این اے صالح محمد کے ساتھ گن مین کے فرائض سر انجام دے رہا ہے۔ رکن اسمبلی کے ساتھ دو گن مین تھے اور دونوں بامسلح تھے۔

پولیس کے مطابق آج لاء اینڈ آرڈر صورتِ حال کے پیش نظر اسلام آباد کیپیٹل پولیس کے تمام افسران و جوان غیر مسلح تھے۔

اسلام آباد کیپیٹل پولیس وقوعہ کی تحقیقات کررہی ہے، جس کے بعد قانون کے مطابق مزید کارروائی عمل لائی جائے گی۔

اسلام آباد پولیس کا کہنا ہے کہ ایم این اے صالح محمد اور مذکورہ پولیس اہلکار کو اسلام آباد پولیس نے حفاظتی تحویل میں لیا ہے۔

دوسری جانب اسلام آباد پولیس کی جانب سے شہر کے مختلف مقامات پر ایف سی کی بھاری نفری تعینات کر دی گئی ہے، جبکہ پولیس اور رینجرز کی مشترکہ پٹرولنگ شروع ہوچکی ہے۔

اسلام آباد پولیس کی جانب سے جاری بیان میں کہا گیا ہے کہ دارالحکومت کی طرف آنے والے راستوں اور شاہراہوں کو بند کرنے کی اطلاعات موصول ہوئی ہیں۔

پولیس نے شہریوں کو ہدایت کی ہے کہ پریشانی سے بچنے کیلئے غیر ضروری سفر سے گریز کریں۔

ECP

politics Oct 21

Imran Khan Disqualification

Comments are closed on this story.

تبصرے

تبولا

Taboola ads will show in this div