Aaj News

ارشد شریف قتل کیس: ایف آئی اے نے فیصل واوڈا اور مراد سعید کو ثبوت کے ساتھ طلب کرلیا

فیصل واوڈا اور مراد سعید نے دعویٰ کیا تھا کہ وہ ارشد شریف کو لاحق خطرات سے آگاہ تھے.
شائع 15 نومبر 2022 04:51pm
فائل فوٹو
فائل فوٹو

وفاقی تحقیقاتی ادارے (ایف آئی اے) کی فیکٹ فائنڈنگ کمیٹی نے پاکستان تحریک انصاف (پی ٹی آئی) کے معطل رہنما فیصل واوڈا اور موجودہ رہنما مراد سعید کو طلب کرلیا۔

ایف آئی اے ذرائع کا کہنا ہے کہ فیصل واوڈا اور مراد سعید نے دعویٰ کیا تھا کہ وہ ارشد شریف کو لاحق خطرات سے آگاہ تھے۔

ذرائع کے مطابق دونوں رہنماؤں کو شواہد کے ساتھ ایف آئی اے ہیڈ کوارٹر آنے کے لیے نوٹس بھیجے گئے ہیں۔

مراد سعید نے دعویٰ کیا کہ ارشد شریف قتل کیس کے ثبوت تین مختلف مقامات پر رکھے ہیں، اگر مجھے راستے سے ہٹایا گیا تو بھی یہ ثبوت کسی اور طرح سے سامنے آئیں گے، ارشد شریف کی والدہ کے مطالبے پر کمیشن بنے گا تو ثبوت سامنے رکھوں گا۔

جبکہ فیصل واوڈا نے کہا تھا کہ ارشد شریف کا قتل ہوا ہے جس کی سازش پاکستان میں ہوئی ہے، یہ حادثہ نہیں ہے۔

ان کا کہنا تھا کہ ارشد شریف اسٹیبلشمنٹ کے ساتھ رابطے میں تھا اور پاکستان واپس آنا چاہتا تھا۔ اسٹیبلشمنٹ کا ارشد شریف کو قتل کروانے میں کوئی کردار نہیں ہے۔

انہوں نے یہ بھہ کہا تھا کہارشد شریف کا لیپ ٹاپ اور موبائل فون نہیں ملے گا کیونکہ سب شواہد مٹا دیے گئے ہیں۔

Murad Saeed

faisal vawda

arshad sharif death

Azadi march Nov 15 2022

Comments are closed on this story.

تبصرے

تبولا

Taboola ads will show in this div