کامیڈی ڈرامہ عشق جلیبی کی اداکارہ مریم نور کی شادی کی تقریبات کا آغاز ہوگیا، اداکارہ کی شادی دسمبر میں فلائٹ انسٹرکٹر اسماعیل بٹ کے ساتھ طے ہے۔

اداکارہ مریم نور نے چند روز قبل ایک ویڈیو شیئر کی تھی جس میں انہوں نے اسماعیل سے آئندہ ماہ (دسمبر) میں شادی ہونے کا اعلان کیا تھا، تاہم انہوں نے اس میں تاریخ نہیں بتائی تھی۔

مریم نور نے اب اپنی ڈھولکی کی تقریب کی تصاویر اور ویڈیوز انسٹاگرام پر مداحوں اور فالوورز کے ساتھ شیئر کی ہیں۔

ان تصاویر اور ویڈیو میں مریم نور اپنے دوست و احباب کے ساتھ گانا گاتے اور ڈھول بجاتے ہوئے دیکھی جاسکتی ہیں۔

مریم نور کی جانب سے شیئر کی گئی تصاویر پر ساتھی فنکار اور مداح انہیں مبارک باد دے رہے ہیں۔

یاد رہے کہ رواں برس مارچ کے مہینے میں اداکارہ نے انسٹاگرام پوسٹ کے زریعے مداحوں کو بتایا تھا کہ اسماعیل بٹ کے ساتھ ان کی منگنی ہوگئی ہے ۔