Aaj News

فیفا ورلڈ کپ کیلئے فٹبال تیارکرنے کا اعزاز پھرپاکستان کے نام

الریحلہ فٹبال ٹیکنالوجی تھرمو بانڈڈ سے تیار کی گئی۔
شائع 18 نومبر 2022 01:00pm

قطر میں ہونے والے فٹبال ورلڈ کپ دوہزار بائیس میں پاکستان کی نمائندگی تو نہیں لیکن جو فٹبال اس ورلڈ کپ میں استعمال ہورہا ہے وہ سیالکوٹ میں تیار کیا گیا ہے۔

سیالکوٹ کے تیارکردہ فُٹبال دنیا بھرمیں اپنی پہچان آپ ہے، ورلڈ کپ کیلئے فُٹبال تیارکرنے کا اعزاز اس بار پھر سیالکوٹ کے نام ہوا۔

الریحلہ فٹبال ٹیکنالوجی تھرمو بانڈڈ سے تیار کی گئی ہے۔

پاکستان اسپورٹس گڈز مینوفیکچررز اینڈ ایکسپورٹرز ایسوسی ایشن کے چیئرمین ارشد لیطف بٹ نے کہا کہ ہماری انڈسٹری کا امیج مزید بہتر ہوگیا۔

اس انڈسٹری سے وابستہ کاریگر بھی خوش دیکھائی دیتے ہیں، ہاتھوں سے سلائی کے بعد مشینری سلائی اور اب تھرمو بانڈڈ سیالکوٹ کی فٹبال کی انڈسٹری بھی وقت کے ساتھ جدید ٹیکنالوجی کی جانب گامزن ہے، ورلڈکپ دوہزاربائیس یہاں کے فٹبال کا استعمال منہ بولتا ثبوت ہے۔

Sialkot

FIFA World Cup 2022

Qatar Football

Comments are closed on this story.

مقبول ترین