Aaj News

مہنگائی بے قابو، ایک ہفتے میں 23 اشیائے ضروریہ کی قیمتوں میں اضافہ

چار ماہ میں موبائل فونز اور کاروں کی در آمد میں بڑی کمی ریکارڈ، ادارہ شماریات
شائع 18 نومبر 2022 07:26pm
ایک ہفتے میں 15 اشیاء کی قیمتوں میں استحکام۔ فوٹو — فائل
ایک ہفتے میں 15 اشیاء کی قیمتوں میں استحکام۔ فوٹو — فائل

اسلام آباد: قومی ادارہ شماریات نے ملک میں مہنگائی کے ہفتہ وار اعداد و شمار جاری کردیے۔

ایک ہفتے میں مہنگائی کی شرح میں 0.26 فیصد اضافے کے بعد مہنگائی کی مجموعی شرح 28.67 فیصد ریکارڈ کی گئی ہے۔

ادارہ شماریات کی رپورٹ کے مطابق ایک ہفتے میں ایک ہفتے میں 23 اشیائے ضروریہ کی قیمتوں میں اضافہ ہوا ہے، نمک کی قیمت میں 7.61 روپے، چائے 5.90 روپے جب کہ فی کلو مرغی 4.89 روپے مہنگی ہوئی۔

رپورٹ میں بتایا گیا کہ ایک ہفتے کے دوران پیاز کی قیمت میں 4.61 روپے، فی درجن انڈے 3.66 روپے اور ٹماٹر کی قیمت میں 2.41 روپے کا اضافہ ہوا ہے۔

قومی ادارہ شماریات اعداد و شمار کے مطابق 13 اشیائے ضروریہ کی قیمتوں میں کمی جب کہ 15 کی قیمتوں میں استحکام رہا ہے۔

رپورٹ کے مطابق 4 ماہ میں موبائل فونز کی درآمد میں 65 فیصد کمی ریکارڈ ہوئی، اس دوریے میں 22کروڑ60 لاکھ ڈالرز کے موبائل فون درآمد ہوئے جب کہ گزشتہ سال درآمدی موبائل فونز کا حجم 107 ارب روپے رہا۔

اس کے علاوہ 4 ماہ میں کاروں کی درآمد میں بھی 80 فیصد تک کمی آئی، رواں سال کے جولائی تا اکتوبر کے دوران 37 کروڑ 94 لاکھ ڈالر کی گاڑیاں امپورٹ ہوئیں اور گزشتہ برس کے جولائی تا اکتوبر کے دورانیے میں 106 ارب روپے مالیت کی گاڑیاں امپورٹ ہوئی تھیں۔

اسلام آباد

weekly inflation report

Bureau of Statistics

Comments are closed on this story.

تبصرے

تبولا

Taboola ads will show in this div