Aaj News

جمعہ, مارچ 29, 2024  
18 Ramadan 1445  

دنیا کے آلودہ ترین شہروں میں لاہور کا آج پہلا نمبر

آلودہ ترین شہروں میں کراچی اور دلی بھی اولین نمبروں میں
اپ ڈیٹ 21 نومبر 2022 09:30am
فوٹو۔۔۔۔۔۔۔۔ فائل
فوٹو۔۔۔۔۔۔۔۔ فائل

لاہور اور اس کے گردونواح کو اسموگ نے اپنی لپیٹ میں لے رکھا ہے، بارش نہ ہونے کے باعث ایئر کوالٹی انڈیکس میں بھی بے حد اضافہ ہوتا جارہا ہے جس سے شہریوں کے معمولات زندگی کافی متاثر ہو رہے ہیں۔

ایئر کوالٹی انڈیکس کے مطابق دنیا کے آلودہ ترین شہروں میں آج لاہور کا پہلا نمبر ہے۔

ترجمان محکمہ تحفظ ماحول کے مطابق، ٹاؤن ہال اور مال روڈ پر ایئر کوالٹی انڈیکس 116 رہا، ٹاؤن شپ میں ایئر کوالٹی انڈیکس 105 ریکارڈ ہوا جبکہ کرول گھاٹی میں اے کیو آئی 217 رہا۔

بھارتی دارالحکومت دلی کا دوسرا نمبر ہے جبکہ گزشتہ روز آٹھویں نمبر پر موجود کراچی آلودہ ترین شہروں میں آج چھٹے نمبر پر ہے۔

گزشتہ روز دنیا کے آلودہ ترین شہروں میں ایشیائی ممالک نے سب کو پیچھے چھوڑ دیا تھا، لاہور پہلے، نئی دلی دوسرے، چین کا شہر بیجنگ چوتھے اور بنگلا دیشی دارالحکومت ڈھاکا ساتویں نمبر پر تھا۔

دوسری جانب محکمہ موسمیات نے آج پنجاب کے بعض میدانی علاقوں میں صبح کے اوقات میں دھند پڑنے کی پیشگوئی کی ہے جبکہ بالائی علاقوں میں ہلکی بارش اور پہاڑوں پر برفباری کا امکان ہے۔

karachi

lahore

New Delhi

smog

smog emergency

lahore air quality

Comments are closed on this story.

تبصرے

تبولا

Taboola ads will show in this div