تاریخ میں پہلی مرتبہ قیدیوں کے لیے ایم ڈی کیٹ کا انعقاد کیا جائے گا۔

وزیر صحت عبدالقادر پٹیل کی ہدایت پر پی ایم سی قیدیوں کے لیے ایم ڈی کیٹ امتحان کا انعقاد کرے گا۔

ترجمان وزارت صحت کے مطابق پی ایم سی نے تمام پبلک سیکٹر یونیورسٹیوں کے وائس چانسلرز کو اگلے سال سے جیلوں میں ایم ڈی کیٹ منعقد کرنے کی ہدایت جاری کی ہے۔

پی ایم سی نے یونیورسٹیوں کو جیل میں مراکز قائم کرنے کی ہدایت کی ہے، پی ایم سی نے امیدواروں کے لیے جیل میں ایم ڈی کیٹ امتحان کے انعقاد کا عمل شروع کیا ہے۔

جیل کا عملہ اور متعلقہ حکام مناسب انتظامات کرکے اور یونیورسٹیوں کو سہولت فراہم کریں گے۔