Aaj News

کراچی ٹیسٹ: پاکستانی ٹیم پہلی اننگز میں 408 رنز بناکر آؤٹ

نیوزی لینڈ ٹیم کو پہلی اننگز میں 41 رنز کی برتری مل گئی
شائع 05 جنوری 2023 10:19am
فوٹو۔۔۔۔ کرک انفو
فوٹو۔۔۔۔ کرک انفو

پاکستان کرکٹ ٹیم نیوزی لینڈ کے خلاف دوسرے ٹیسٹ کی پہلی اننگزمیں 408رنزبنا کرآؤٹ ہوگئی، کیوی ٹیم کو پہلی اننگزمیں 41 رنزکی برتری مل گئی۔

کراچی میں کھیلے جارہے دوسرے اور آخری ٹیسٹ میچ کے چوتھےروزپاکستان نے اپنی پہلی اننگز 407 رنز 9کھلاڑی آؤٹ سے آگےبڑھائی ، سعود شکیل 124 رنز پر بیٹنگ کر رہے تھے جبکہ ابرار احمد نے ابھی اپنا کھاتا کھولنا تھا۔

سعود شکیل نے اش سودی کے پہلے ہی اوور کی پانچویں گیند پر سنگل لے کر ابرار احمد کو دیا لیکن ابرار احمد بغیر کوئی رن بنائے ایل بی ڈبلیو آؤٹ ہو گئے۔

اس طرح پاکستانی ٹیم 408 رنز بنا کر آؤٹ ہو گئی اور نیوزی لینڈ کو پہلی اننگز میں 41 رنز کی سبقت حاصل ہو گئی۔

اس سے قبل نیوزی لینڈ کی ٹیم نے اپنی پہلی اننگز میں 449 رنز اسکور کیے تھے۔

پاکستان کی جانب سے سعود شکیل نے 125رنزکی ناقابل شکست اننگزکھیلی جبکہ امام الحق 83 اور سرفراز احمد 78 رنز بناکر آؤٹ ہوئے۔

اس کے علاوہ آغا سلمان نے 41 ، کپتان بابر اعظم نے 24، شان مسعود نے 20 اور عبداللہ شفیق نے 19 رنز بنائے۔

نیوزی لینڈ کی جانب سے اش سودھی اور اعجاز پٹیل نے 3،3 اور ڈیرل مچل ، ٹم ساؤتھی اور میٹ ہینری نے ایک ایک وکٹ حاصل کی جبکہ پاکستان کا ایک کھلاڑی رن آؤٹ ہوا۔

cricket

test series

karachi test

Pakistan vs New Zealand

PAK V NZ

Comments are closed on this story.

تبصرے

تبولا

Taboola ads will show in this div