Aaj News

جمعہ, مئ 24, 2024  
16 Dhul-Qadah 1445  

ہماری پوری کوشش ہے کراچی کا میئر پیپلزپارٹی بنائے، فیصل کریم کنڈی

کوشش ہے کراچی کا میئر پیپلزپارٹی بنائے، فیصل کریم کی "آج پاکستان" سے خصوصی گفتگو
اپ ڈیٹ 16 جنوری 2023 11:21am

فیصل کریم کنڈی نے کہا کہ ماضی میں پی پی کے الیکشن بائیکاٹ سے سیاست کا نقصان ہوا، پی پی کا اب یہ اصول ہے کوئی بھی الیکشن ہو بائیکاٹ نہیں کرنا۔

پاکستان پیپلز پارٹی کے رہنما فیصل کریم کنڈی نے“آج پاکستان“ میں گفتگو کرتے ہوئے کہا کہ ہم بہت سے اختلافات رکھنے کے باوجود الیکشن لڑتے ہیں، ایم کیوایم کے الیکشن میں حصہ نہ لینے سے الیکشن تو پھر بھی ہوا، ہماری کوشش ہے کراچی کا میئرپیپلزپارٹی بنائے۔

فیصل کریم کنڈی نے کہا کہ ہمیں پہلے دن سے امید تھی کراچی، حیدرآباد میں اپنے میئر بنائیں گے کراچی سے پی ٹی آئی کے 14 ایم این ایز تھے ان کی پرفامنس بھی دیکھ لیں کہ کراچی کو کیا دیا۔

بیلٹ باکس سے جو ووٹ نکلے وہ انتظامیہ، پولیس نےڈالے، فاروق ستار

متحدہ قومی موومنٹ ( ایم کیوایم) پاکستان کے رہنما فاروق ستارنے کہا کہ نتیجہ آنے سے پہلے کسی کو بھی میئرکا اعلان نہیں کرنا چاہئے، بیلٹ باکس سے جو ووٹ نکلے وہ انتظامیہ اورپولیس نےڈالے۔

فاروق ستارنے“آج پاکستان“میں گفتگو کرتے ہوئے کہا کہ بلدیاتی انتخابات کے نتائج کو لیٹ نہیں ہونا چاہیئے۔ ان کا کہنا تھا کہ پولنگ اسٹیشنزپرایسا متاثرکرنے والا رش نہیں تھا بیلٹ باکس سے جو ووٹ نکلے وہ انتظامیہ اور پولیس نے ڈالے، حقوق پرسمجھوتا کرکہ الیکشن نہیں لڑاجا سکتا۔

فاروق ستارنے کہا کوئی حلقہ 10ہزار، کوئی20 اورکوئی 30 ہزار کا حلقہ بنایا گیا ہے اور کوئی حلقہ تو90 ہزار اور ایک لاکھ کا بنا دیا گیا ابھی سمجھوتا کرلیتے، تو آگے کیا کرتے پھر۔

MQM Pakistan

Sindh Local Bodies Election

Local Bodies 16 jan

ٖFarooq Sattar