Aaj News

پیر, جون 24, 2024  
17 Dhul-Hijjah 1445  

رمضان سے قبل گھی کے بعد چینی بھی مہنگی کردی گئی

چینی کی قیمت میں اضافےکااطلاق فوری طورپرہوگا
شائع 09 مارچ 2023 03:21pm

حکومت نے گھی کے بعد چینی کی قیمت میں اضافے کا نوٹیفکیشن جاری کردیا۔

رمضان سے قبل گھی کے بعد ملک بھر کے تمام یوٹیلیٹی اسٹورز پر چینی بھی مہنگی کردی گئی ہے، اور فی کلو چینی میں 2 روپے کا اضافہ کردیا گیا ہے، اس حوالے سے نوٹیفکیشن بھی جاری کردیا گیا ہے۔

نوٹیفکیشن کے مطابق وزیراعظم پیکج کے تحت سبسڈی والی چینی کی قیمت 89 سے بڑھا کر91 روپے فی کلو کردی گئی ہے، اور چینی کی قیمت میں اضافے کا اطلاق فوری طور پر ہوگا۔

گھی کی فی کلو قیمت میں 115 روپے کا اضافہ

ترجمان یوٹیلیٹی سٹورز کے مطابق بے نظیر انکم سپورٹ پروگرام (بی آئی ایس پی) کے مستحقین کیلئے چینی کی قیمت میں اضافہ نہیں کیا گیا، اور ان کے لئے چینی کی قیمت 70 روپے فی کلو برقرار رہے گی۔

ترجمان کا کہنا تھا کہ چینی پر جی ایس ٹی کی وجہ سے 2 روپے کا اضافہ ہوا ہے، مارکیٹ میں اس وقت بھی چینی 105روپے کلو ہے۔

sugar mills

sugar

sugar commision