Aaj News

عدالت کا منی لانڈرنگ کیس میں راسخ الہٰی کے اثاثے منجمد کرنے کا حکم

تفتیشی افسر ملزمان کو نوٹس دیکر اثاثوں کے ذرائع پوچھیں، عدالت
شائع 18 مارچ 2023 08:02pm
<p>راسخ الہٰی اپنے والد پرویز الہٰی کے ہمراہ۔ فوٹو — فائل</p>

راسخ الہٰی اپنے والد پرویز الہٰی کے ہمراہ۔ فوٹو — فائل

لاہور کی مقامی عدالت نے منی لانڈرنگ کیس میں چوہدری پرویز الہٰی کے بیٹے راسخ الہٰی کے اثاثے منجمد کرنے کا حکم دے دیا۔

سابق وزیر اعلی پنجاب چوہدری پرویز الہٰی کے اہل خانہ کے خلاف منی لانڈرنگ کیس میں اہم پیشرفت ہوئی ہے، لاہور کی مقامی عدالت نے وفاقی تحقیقاتی ایجنسی (ایف آئی اے) کی درخواست پر راسخ الہٰی کے اثاثے منجمد کرنے کا حکم دے دیا۔

ایڈیشنل سیشن جج چوہدری غلام رسول نے ایف آئی اے کی درخواست منظور کرتے ہوئے راسخ الہی کے اثاثے منجمند کرنے کا تحریری حکم جاری کردیا۔

حکمنامے میں کہا گیا ہے کہ تفتیشی افسر ملزمان کو نوٹس دیکر اثاثوں کے ذرائع پوچھیں، راسخ الہٰی کے وکیل نے ایف آئی اے کی درخواست کی مخالفت کی تھی۔

FIA

lahore

money laundring case

rasikh elahi

Comments are closed on this story.

مقبول ترین