کراچی میں اسٹریٹ کرائم کی وارداتیں تھم نہ سکیں ،طارق روڈ اوردھورا جی میں فائرنگ سے ایک شخص جاں بحق اور دوسرا زخمی ہوگیا

کراچی میں ماہ رمضان کے دوران بھی جرائم کی سرکوبی نہ کی جاسکی، طارق روڈ کے قریب فائرنگ سے 60 سالہ شخص جاں بحق ہوگیا۔

جاں بحق شخص کی شناخت رمضان کے نام سے ہوئی۔

پولیس کا کہنا ہے کہ فی الحال یہ واضح نہیں کہ واقعہ ڈکیتی مزاحمت پرپیش آیا یا ذاتی دشمنی کا شاخسانہ ہے۔ اس حوالے سے مزید تحقیقات کی جارہی ہیں۔

دوسری جانب دھوراجی کے قریب ڈکیتی مزاحمت پر فائرنگ سے ایک شخص زخمی ہوگیا جسے فوری طبی امداد کیلئے اسپتال منتقل کردیا گیاہے۔