Aaj News

پیر, مئ 20, 2024  
11 Dhul-Qadah 1445  

الیکشن کمیشن نے انتخابات کا ضابطہ اخلاق جاری کردیا

امیدوار کو رشوت سے دستبردار کروانے سے گریز کیا جائے، الیکشن کمیشن
شائع 06 اپريل 2023 08:14pm

سیاسی جماعتوں کی مشاورت کے بعد الیکشن کمیشن نے انتخابات کا ضابطہ اخلاق جاری کردیا، سیاسی جماعتیں عدلیہ اور افواج پاکستان کے خلاف کوئی بات نہیں کریں گی اور الیکشن کمیشن کی کسی بھی شکل میں تضحیک سے اجتناب کیا جائے گا۔

ضابطہ اخلاق میں کہا گیا ہے کہ پولنگ ڈے پر سیکیورٹی اداروں سے تعاون کیا جائے، امیدوار کو رشوت سے دستبردار کروانے سے گریز کیا جائے۔

ضابطہ اخلاق میں مزید کہا گیا ہے کہ عام نشستوں کے لئے خواتین کو پانچ فیصد نمائندگی دی جائے، امیدوار انتخابی اخراجات کیلئے مخصوص اکاؤنٹ کھلوانے کا مجاز ہوگا۔

جلسے، جلوسوں میں اسلحے کی نمائش پر پابندی ہوگی۔ صدر، وزیراعظم ، وزراء سیاسی سرگرمی میں حصہ نہیں لیں گے۔

ضابطہ اخلاق میں ہدایت کی گئی ہے کہ کوئی بھی مخالف سیاسی جماعت کے بینرز نہ اتارے، جبکہ جلسے سے قبل انتظامیہ سے اجازت لازم ہوگی۔

Code of conduct

Election Commission of Pakistan (ECP)

Politics April 06 2023