سندھ کے شہر شکارپور میں مبینہ طور پر دو نوجوانوں کو اغوا کرلیا گیا۔

شکار پور کے دو نوجوان اغواء کاروں کے دھوکے میں آگئے۔ بتایا جارہا ہے کہ ملزمان نے موبائل فون پر خاتون کی آواز میں جھانسہ دے کر نوجوانوں کو مبینہ طور پر اغوا کرلیا، تاہم پولیس نے اغواء کی تصدیق نہیں کی۔

ورثاء کا کہنا ہے کہ دونوں نوجوان گزشتہ روز صبح کرم پور دوست سے ملنے کا کہہ کر گھر سے گئے اور موبائل نمبر بھی بند جارہا ہے۔

ورثاء نے مزید بتایا کہ آج صبح نامعلوم کال آئی جس میں کہا گیا کہ دونوں نوجوانوں کو اغوا کرلیا گیا ہے، اہلخانہ نے احتجاج کرتے ہوئے دونوں نوجوانوں کی بازیابی کا مطالبہ کیا ہے۔

دوسری طرف پولیس کا کہنا ہے کہ نوجوانوں کے اغوا کی شکایت نہیں ملی، واقعہ کی تحقیقات کررہے ہیں۔