Aaj News

جمعہ, جولائ 12, 2024  
06 Muharram 1446  

چوہدری پرویز اور مونس الہیٰ کے قریبی ساتھی امجد پرویز بٹ اچانک لاپتہ

نامعلوم شخص امجد پرویز بٹ کی گاڑی شاپنگ مال کی پارکنگ میں چھوڑ گیا۔
شائع 25 اپريل 2023 08:00pm
Pervaiz Elahi’s close associate Amjad Pervaiz Butt missing - Breaking - Aaj News

پاکستان تحریک انصاف (پی ٹی آئی) کے صدر چوہدری پرویز الٰہی اور چوہدری مونس الہیٰ کے قریبی ساتھی سابق چیئرمین سالڈ ویسٹ مینجمنٹ امجد پرویز بٹ اچانک لاپتہ ہوگئے، نامعلوم شخص امجد پرویز بٹ کی گاڑی شاپنگ مال کی پارکنگ میں چھوڑ گیا۔

سابق چیئرمین سالڈ ویسٹ مینجمنٹ امجد پرویز گھر سے سودا سلف لینے نکلے اور پھر گھر نہ آئے، گھر والوں نے فون پر رابطہ کیا تو فون بھی بند تھا۔

گھر والوں کے ٹریکر کی مدد سے گاڑی ٹریس کرنے پر امجد پرویز کی گاڑی جی ٹی روڈ پر شاپنگ مال کی پارکنگ سے ملی۔ جس کی سی سی ٹی وی فوٹیج سامنے آنے پر پتہ چلا کہ نامعلوم شخص نے گاڑی لا کر پارکنگ اسٹینڈ پر کھڑی کی اور دوسری گاڑی میں بیٹھ کر نکل گیا۔

امجد پرویز بٹ کا شمار چوہدری پرویز الہٰی ،چوہدری مونس الہیٰ کے متحرک اور قابل اعتماد ساتھیوں میں ہوتا ہے، جنہیں چوہدری پرویز الہٰی کی وزارتِ اعلیٰ کے دور میں چیئرمین سالڈ ویسٹ مینجمنٹ بنایا گیا تھا، جبکہ وہ میڈیسن ڈسٹری بیوٹر بھی ہیں۔

امجد پرویز کے بڑے بھائی سجاد بٹ کی جانب سے تھانہ رحمانیہ میں بھائی کے اغواء کی درخواست دے دی گئی ہے، تاہم سیکیورٹی اداروں کی جانب سے واقعے سے اظہار لاعلمی کیا جا رہا ہے۔

Chaudhry Pervaiz Elahi

Moonis Elahi

Politics April 25 2023

Amjad Pervaiz Butt