Aaj News

بشریٰ بی بی کی درخواست پر عدالت کا وفاقی حکومت اور دیگر فریقین سے جواب طلب

بشری بی بی نے اپنے خلاف درج مقدمات کی تفصیلات کی فراہمی کیلئے درخواست دائر کی تھی
شائع 06 جون 2023 02:19pm
بشریٰ بی بی۔ فوٹو — اسکرین گریب
بشریٰ بی بی۔ فوٹو — اسکرین گریب

لاہور ہائی کورٹ نے سابق خاتون اوّل بشریٰ بی بی کی درخواست پر وفاقی حکومت اور دیگر فریقین سے جواب طلب کرلیا۔

لاہور ہائی کورٹ کے جسٹس امجد رفیق نے بشری بی بی کے خلاف درج مقدمات کی تفصیلات کی فراہمی کے کیس کی سماعت کی جس میں عدالت نے وفاقی حکومت، ایف آئی اے اور دیگر فریقین سے 7 جون تک جواب طلب کرلیا۔

اس سے قبل بشری بی بی نے اپنے خلاف درج مقدمات کی تفصیلات کی فراہمی کے لئے لاہور ہائی کورٹ میں درخواست دائر کی جس میں وفاقی حکومت، ایف آئی اے اور چاروں صوبوں کے آئی جیز کو فریق بنایا گیا۔

درخواست میں مؤقف اپنایا گیا کہ آئین کے آرٹیکل 10 اے کے تحت شفاف ٹرائل ہر شہری کا بنیادی حق ہے، اطلاعات ہیں بشری بی بی کے خلاف مقدمات درج کر کے انہیں سیل کردیا گیا ہے۔

بشریٰ بی بی نے درخواست میں عدالت سے استدعا کی کہ شفاف ٹرائل کے لئے مقدمات کے اندراج کی معلومات ہر شہری کا قانونی حق ہے، لہٰذا درج مقدمات کی تفصیلات پیش کرنے کا حکم دے۔

Federal govt

FIA

Lahore High Court

bushra bibi

Politics June 6 2023

Comments are closed on this story.

تبصرے

تبولا

Taboola ads will show in this div