نگران وزیراعلیٰ پنجاب کی ہدایت پر صوبہ میں آٹا اورچینی کے ذخیرہ اندوزوں کیخلاف کریک ڈاؤن کا فیصلہ کرلیا گیا۔

چیف سیکرٹری پنجاب کی زیر صدارت سول سیکرٹریٹ میں اجلاس ہوا، جس میں آٹا اور چینی کی قیمتیں کنٹرول کرنے کیلئےلائحہ عمل کا جائزہ لیا گیا۔

اجلاس میں فیصلہ کیا گیا کہ صوبے میں آٹا، چینی کے ذخیرہ اندوزوں کیخلاف کریک ڈاؤن کیا جائے گا، اس حوالے سے چیف سیکرٹری نے اسپیشل برانچ کو مانیٹرنگ کی ذمہ داریاں تفویض کردیں، اور کہا کہ آٹا اور چینی کی مقررہ سے زائد نرخوں پر فروخت قابل قبول نہیں۔

چیف سیکرٹری پنجاب کا کہنا تھا کہ مؤثر انتظامی اقدامات کے ذریعے قیمتوں میں استحکام لایاجائے، اور اشیا کی قیمتوں کے ساتھ ان کی طلب اور رسد پر نظر رکھی جائے۔