Aaj News

جمعہ, اپريل 19, 2024  
10 Shawwal 1445  

پرویز خٹک پی ٹی آئی پارلیمنٹیرین کے چئیرمین منتخب

سابق وزیر اعلیٰ محمود خان وائس چئیرمین چن لیے گئے
شائع 01 اگست 2023 08:51pm
فوٹو۔۔۔۔۔۔۔ فائل
فوٹو۔۔۔۔۔۔۔ فائل

سابق وزیر دفاع پرویز خٹک پاکستان تحریک انصاف (پی ٹی آئی) پارلیمنٹیرین کے چئیرمین منتخب جبکہ سابق وزیر اعلیٰ محمود خان وائس چئیرمین چن لیے گئے۔

پاکستان تحریک انصاف سے ناراض سابق وفاقی اور صوبائی وزراء پر مشتمل نئی پارٹی پی ٹی آئی پارلیمنٹرین کا پہلا کور کمیٹی اجلاس پرویز خٹک کی صدارت میں پشاور میں ہوا۔

اجلاس میں سابق وزیراعلیٰ خیبر پختونخوا محمود خان سمیت کثیر تعداد میں سابق ایم پی ایز اور ایم اینز نے شرکت کی۔

کورکیمٹی نے متفقہ طور پر پرویز خٹک کو پارٹی چئیرمین منتخب کرلیا جبکہ محمود خان پارٹی کے وائس چئیرمین ہوں گے۔

پرویز خٹک کا کہنا ہے کہ 19 اگست سے خیبر پختونخوا میں سیاسی پاور شو کا آغاز نوشہرہ سے کریں گے جس کے بعد صوبہ بھر میں جلسے منعقد کیے جائیں گے۔

پارٹی کے فوکل پرسن اسرار باچا کا کہنا ہے کہ پی ٹی آئی پارلیمنٹرین نے خیبر پختونخوا میں سیاسی سرگرمیوں کا آغاز کردیا ہے اور اس ضمن میں 19 اگست کو نوشہرہ میں بڑے پاور شو سے آغاز کریں گے، اس کے بعد صوبے بھر میں اضلاع کی سطح پر انتخابی جلسے منعقد ہوں گے۔

KPK

peshawar

mehmood khan

Pervez Khattak

PTI Leaders Left Party

PTI Parliamentarians

Comments are closed on this story.

تبصرے

تبولا

Taboola ads will show in this div