Aaj News

منگل, مئ 28, 2024  
19 Dhul-Qadah 1445  

عمران خان کی اڈیالہ جیل سے منتقلی کے امکانات مزید دور ہوگئے

نجسٹس عامر فاروق کی عدم موجودگی کے سبب اسلام آباد ہائیکورٹ میں سماعت آج نہیں ہوگی
اپ ڈیٹ 17 اگست 2023 10:47am
فائل فوٹو
فائل فوٹو

چیئرمین پی ٹی آئی کی اٹک سے اڈیالہ جیل منتقلی اور گھر کے کھانے کی فراہمی سے متعلق درخواست پر سماعت آج نہیں ہوسکے گی ۔

درخواست پر سماعت نہ ہونے کی وجہ آج چیف جسٹس اسلام آباد ہائیکورٹ عامرفاروق کی عدم موجودگی ہے۔

عدالت نے آج کی سماعت میں پنجاب حکومت اور جیل حکام سے جواب طلب کر رکھا تھا۔

##گزشتہ سماعت

گزشتہ سماعت میں چیف جسٹس اسلام آباد ہائیکورٹ عامر فاروق نے عمران خان کو اٹک جیل میں رکھنے کی وجوہات پر رپورٹ طلب کی تھی۔

عدالت نے اپنے ریمارکس میں کہا تھا کہ بتایا جائے کن وجوہات کی بنیاد پرعمران خان کو اٹک جیل میں رکھا گیا، اس کے علاوہ انہیں جیل میں گھر کا کھانا فراہم کرنے کی درخواست پر بھی معاونت طلب کی گئی تھی۔

عدالت کا کہنا تھا کہ ایسی کوئی بات ریکارڈ پر نہیں جو قیدی کو ہفتے میں ایک سے زائد بارملاقات سے روکے۔ جیل قوانین کے مطابق عمران خان کی دوستوں، عزیرواقارب اور وکلا سے ملاقات کروائی جائے۔

اس کے علاوہ عمران خان کو جائے نماز، انگریزی ترجمے کے ساتھ قرآن پاک اور مناسب طبی سہولیات کی فراہمی کی بھی ہدایت کی گئی تھی۔

imran khan

Islamabad High Court

tosha khana case

adiala jail

District Jail Attock