عالمی مارکیٹ میں فی اونس سونے کی قیمت 21 ڈالر اور پاکستان میں فی تولہ سونے کی قیمت میں 2 ہزار سے زائد کا اضافہ ہوا۔

بین الاقوامی بلین مارکیٹ میں فی اونس سونے کی قیمت میں 21 ڈالر کا اضافہ ہوا، جس کے بعد عالمی مارکیٹ میں فی اونس سونے کی قیمت 1938 ڈالر کی سطح پر پہنچ گئی۔

دوسری جانب بدھ کے روز پاکستانی صرافہ مارکیٹوں میں بھی فی تولہ اور دس گرام سونے کی قیمت میں بالترتیب دو ہزار 900 روپے اور 2 ہزار 486 روپے کا اضافہ ہوگیا۔

قیمتوں میں اضافے کے نتیجے میں کراچی، حیدرآباد، ملتان، لاہور، راولپنڈی، اسلام آباد، فیصل آباد، کوئٹہ اور پشاور کی صرافہ مارکیٹوں میں فی تولہ سونے کی قیمت بڑھ کر 2 لاکھ 36 ہزار 400 روپے اور 10گرام سونے کی قیمت اضافے کے بعد 2 لاکھ 2 ہزار 675 روپے ہوگئی۔