قومی کرکٹ ٹیم ایشیا کپ کے دوسرے میچ کے لیے سری لنکا کے لئے رانہ ہوگئی۔

پاکستان ٹیم کل نیپال کو ایشیا کپ کے افتتاحی میچ میں شکست دے کر رات گئے خصوصی پرواز سے سری لنکا کے شہر کولمبو کے لیے روانہ ہوئی۔

قومی ٹیم کولمبو پہنچنے کے بعد بس کے ذریعے کینڈی روانہ ہوگی اور جمعہ کی شام پالے کیلے اسٹیڈیم میں ٹریننگ کرے گی۔

ایشیا کپ میں پاکستان اپنا دوسرا میچ بھارت کے خلاف دو ستمبر بروز ہفتے کو پالے کیلیے میں کھیلے گا۔

واضح رہے کہ گرین شرٹس نے ون ڈے ایشیا کپ کا جارحانہ آغاز کیا اور نیپال کو پہلے ہی میچ میں 238 رنز کے بڑے مارجن سے شکست دی تھی۔

ایشیا کپ کا دوسرا میچ آج سری لنکا اور بنگلادیش کے درمیان دوپہر ساڑھے دو بجے کینڈی میں کھیلا جائے گا۔