پنجاب حکومت اور شوگر ملز مالکان کے درمیان چینی کی قیمت پر 3 روز سے جاری مذاکرات کامیاب ہوگئے۔

نگراں وزیراعلی پنجاب محسن نقوی سے شوگر ملز مالکان کے وفد کی ملاقات ہوئی، ملاقات میں کرشنگ سیزن 28 اکتوبر سے شروع کرنے پر اتفاق کیا گیا۔

شوگر ملز مالکان پنجاب حکومت کو 140روپے فی کلو چینی فروخت کریں گے۔

محسن نقوی نے کہا کہ پنجاب حکومت سینٹرز، ماڈل بازاروں اور اتوار بازاروں میں چینی فروخت کرے گی۔

یہ بھی پڑھیں :

سوات، ملاکنڈ میں شوگرمافیا کیخلاف کارروائی، چینی کی ساڑھے 34 ہزار سے زائد بوریاں برآمد

انہوں نے کہا کہ عوام کی مشکلات کا پورا احساس ہے، چینی کی قیمتوں میں کمی کا فائدہ براہ راست عوام کو ہوگا۔