ورلڈ ایتھلیٹکس چیمپیئن شپ میں پاکستان کیلئے سلور میڈل جیتنے پر ایتھلیٹ ارشد ندیم کو قومی کرکٹر احمد شہزاد نے دس لاکھ کا چیک پیش کیا۔

لاہور میں قومی کرکٹر احمد شہزاد نے ایتھلیٹ ارشد ندیم سے ملاقات کی اور انہیں ورلڈ ایتھلیٹکس چیمپیئن شپ میں سلور میڈل جیتنے پر مبارکباد دی۔

احمد شہزاد نے ارشد ندیم کو دس لاکھ روپے کا چیک پیش کیا، اور کہا کہ ارشد ندیم نے یہ میڈل جیت کر نئی تاریخ رقم کی ہے۔

احمد شہزاد کا کہنا تھا کہ امید ہے کہ ارشد ندیم رواں ماہ چین میں شروع ہونے والی ایشیئن گیمز میں بھی پاکستان کیلئے میڈل جیتیں گے، اور پیرس اولمپکس میں بھی میڈل اپنے سینے پر سجا کر ملک و قوم کا سر فخر سے بلند کریں گے۔