سول ایوی ایشن نے پرندوں سے جہازوں کو بچانے اور ہوائی سفر کو محفوظ بنانے کیلئے ملک کے 3 بڑے انٹرنیشنل ائیر پورٹس پر جدید خودکار نظام نصب کرنے کا فیصلہ کر لیا۔

پرندوں سے جہازوں کو بچانے اور ہوائی سفر کو محفوظ بنانے کیلئے سول ایوی ایشن کا اہم فیصلہ سامنے آیا ہے۔

ترجمان سول ایوی ایشن کے مطابق ملک کے 3 بڑے انٹرنیشنل ائیر پورٹس پر جدید خود کار نظام نصب کرنے کا فیصلہ کیا گیا ہے، اور اس حوالے سے سول ایوی ایشن اتھارٹی نے درخواستیں طلب کرلی ہیں، 28 ستمبر کو ٹینڈر کھولے جائیں گے۔

ترجمان سی اے اے نے بتایا کہ اسلام آباد، جناح انٹرنیشنل،اور علامہ اقبال انٹرنیشنل ایئرپورٹ پر جدید خود کار نظام نصب ہوں گے، پہلے مرحلے میں لاہور کا علامہ اقبال ایئر پورٹ شامل ہے، اور سسٹم کی افادیت کو دیکھتے ہوئے اسلام آباد اور کراچی جناح انٹرنیشنل ایئرپورٹ کے حوالے سے فیصلہ ہوگا۔

ترجمان کا کہنا تھا کہ آبادیوں میں گندگی کے باعث پرندے ایئرپورٹ کی طرف راغب ہوتےہیں، اور پرندوں کی تعداد میں اضافہ محفوظ ہوائی سفر کیلئے چیلنج ہے۔