Aaj News

بدھ, مئ 15, 2024  
06 Dhul-Qadah 1445  

لاہور: سب انسپکٹر اور اہلکاروں کی ٹارگٹ کلنگ میں مماثلت کا انکشاف

ٹوپی گینگ کے لاہور میں 148 کارندوں پر مشتمل گروہ کا انکشاف بھی ہوا
شائع 28 اپريل 2024 10:23pm

لاہور میں پولیس سب انسپکٹر اور اہلکاروں کے ٹارگٹ کلنگ کیس میں اہم پیشرفت سامنے آئی ہے، ابتدائی تفتیش میں انکشاف ہوا ہے کہ کانسٹیبل علی اور سب انسپکٹر رانا ارشد پر فائرنگ کرنے والا شخص ایک ہی ہے، ایک ہی ملزم نے دونوں کو گھات لگا کر مارا۔

پولیس ذرائع کے مطابق حملہ آور پستول بیگ میں رکھ کر لاتا ہے۔

ذرائع کا کہنا ہے کہ ملزم کی شناخت کیلئے پولیس نے نادرا سے مدد مانگ لی ہے۔

ٹانک میں سیشن جج کو کیوں اغوا کیا گیا؟ مبینہ وجہ سامنے آگئی

پولیس حکام نے جیل سے رہا قیدیوں کی تفصیلات بھی جیل انتظامیہ سے مانگ لی ہیں۔

اس کے علاوہ ٹوپی گینگ کے لاہور میں 148 کارندوں پر مشتمل گروہ کا انکشاف بھی ہوا ہے۔

پولیس حکام کا کہنا ہے کہ جائے حادثہ، کیمروں، ہیومین انٹیلی جنس کی بنیاد پر کیس کی تفتیش جاری ہے، ملزم کی شناخت کیلئے مختلف جگہوں سے کیمروں کی فوٹیجز حاصل کرلی گئی ہیں۔ مختلف تھانوں میں درج کرمنل کیسز میں بھی اشتہاریوں کی جانچ پڑتال کی جارہی ہے۔ مصری شاہ اور باغبانپورہ کے 150 میٹر ریڈیس کی جیو فنسنگ حاصل کی جارہی ہے۔

lahore

Target Killing

sub inspector