پتوکی میں محکمہ سوئی گیس لاہور ریجن نے بڑی کاروائی کرتے ہوئے گیس چوری کے لیے بچھائی گئی 2500 فٹ کی پائپ لائن پکڑ لی۔

ملزمان نے مین لائن سے کنکشن کرکے گیس کی چوری کے لیے پورے محلہ میں فیک نیٹ ورک بچھایا ہوا تھا۔

ملزمان نے مین لائن سے 1.5 انچ قطر کا پائپ محلہ اسلام پور میں بچھا رکھا تھا لیکن محکمہ سوئی گیس نے کھدائی کرکے پائپ لائن اکھاڑ دی۔

محکمہ سوئی گیس کے ترجمان کا کہنا ہے کہ ملزمان کے خلاف مقدمہ کے اندارج کے لئے درخواست دے دی گئی ہے۔