مصر میں آلو چوروں کی ویڈیو نے سوشل میڈیا پر تہلکہ مچادیا، جس کے منظرعام پر آتے ہی وزارت داخلہ کی دوڑیں لگ گئیں۔

مصری پولیس کا کہنا ہے کہ ایک گینگ کو گرفتار کرلیا ہے، جس کے ارکان آلوؤں سے لدے ایک ٹرک سے آلو چوری کر رہے تھے۔

سوشل میڈیا پلیٹ فارمز پر آلو کے ٹرک کی چوری کی ویڈیو گردش کر رہی تھی، جسے دیکھ کرسوشل میڈیا صارفین نے چوروں کی گرفتاری کا مطالبہ کیا تھا۔

مصری وزارت داخلہ نے سوشل پلیٹ فارم ایکس پر اپنے آفیشل اکاؤنٹ سے اعلان کیا کہ چوری کی واردات میں ملوث گینگ میں 12 افراد شامل ہیں، ان میں سے 6 کا مجرمانہ ریکارڈ تھا، جو گاڑیوں پر لدے پھلوں کی بھی چوری کرتے تھے۔

وزارت داخلہ کا کہنا ہے کہ ملزمان نے اپنے جرم کا اعتراف بھی کرلیا ہے اور ان کے زیر استعمال رکشہ نما ’ٹک ٹک‘ گاڑیاں بھی ضبط کرلی گئی ہیں۔