فیصل آباد میں پولیس ویگن اور ٹرک میں خوفناک تصادم کے نتیجے میں ایک پولیس اہلکار سمیت چار افراد جاں بحق اور 10 افراد زخمی ہو گئے۔

تاندلیانوالہ سے فیصل آباد میں لوئر کورس کیلئے آنے والے پولیس اہلکاروں کی ویگن ستیانہ کے علاقہ تاندلیانوالہ اوکاڑہ روڈ پر ٹرک سے ٹکرا گئی۔ جس کے نتیجے میں پولیس اہلکار سمیت چار افراد جاں بحق ہوئے۔

جاں بجق ہونے والوں میں پولیس اہلکار محمد جمیل اور ویگن کا ڈرائیور شفیق بھی شامل ہے۔

ریسکیو ذرائع کے مطابق زخمیوں میں 6 پولیس اہلکار بھی شامل ہیں جن میں سے3 کی حالت تشویشناک بتائی جاتی ہے.

؎حادثہ کے بعد امدادی ٹیموں نے موقع پر پہنچ کر زخمیوں کو رورل ہیلتھ سنٹر ستیانہ منتقل کردیا۔

ریسکیو ذرائع کے مطابق حادثہ تیز رفتاری کے باعث پیش آیا. اور حادثہ اس قدر خوفناک تھا کہ دونوں گاڑیاں مکمل طور پر تباہ ہو گئیں۔