Aaj News

بدھ, فروری 28, 2024  
18 Shaban 1445  

ورلڈ کپ: ویرات کوہلی اسکواڈ کو چھوڑ کر ممبئی چلے گئے

ویرات کے اسکواڈ چھوڑنے کی وجہ سامنے نہیں آئی
شائع 02 اکتوبر 2023 02:32pm
تصویر/ فائل
تصویر/ فائل

بھارتی کرکٹر ویرات کوہلی نیدرلینڈ کے خلاف دوسرے وارم اپ میچ سے پہلے ہی اسکواڈ کو چھوڑ کر ممبئی روانہ ہو گئے۔

میڈیار پورٹ کے مطابق بھارتی ٹیم نیدرلینڈز کے خلاف دوسرے وارم اپ میچ کیلئے بھارتی شہر تھیرووننتھاپورم میں موجود ہے جو کل 3 اکتوبر کو کھیلا جائے گا۔

بھارتی ٹیم گواہٹی سے روانہ ہوئی لیکن ویرات کوہلی مینجمنٹ کی اجازت سے ممبئی کیلئے روانہ ہوگئے۔

ویرات کوہلی کی اسکواڈ چھوڑنے کی تصدیق بھارتی کرکٹ بورڈ کی جانب سے بھی کی گئی ہے، ویرات جلد ہی ٹیم میں دوبارہ شامل ہوں گے۔

یہ واضح نہیں کہ ویرات ایک دم سے ممبئی کیوں گئے تاہم بھارتی میڈیا پر خبریں زیرگردش ہیں کہ کوہلی اور انوشکا شرما کے ہاں دوسرے بچے کی پیدائش متوقع ہے۔

جوڑے نے گردش کرنے والی خبروں کے حوالے سے کوئی تردید یا تصدیق نہیں کی ہے۔

virat kohli

world cup 2023

Comments are closed on this story.

تبصرے

تبولا

Taboola ads will show in this div