بالی وڈ اداکارہ ودیا بالن نے اپنی خفیہ بیٹی ہونے کی خبروں کی تردید کردی۔

بھارتی میڈیا رپورٹس کے مطابق ودیا بالن نے ان افواہوں پر ردعمل کا اظہار کیا جو اس وقت شروع ہوئیں جب ائیرپورٹ پر ان کی ایک بچی کے ساتھ ویڈیو وائرل ہوئی۔

پاپا رازی (فوٹو گرافر) نے ویڈیو کے کیپشن میں بچی کو ودیا بالن کی بیٹی قرار دیا تھا۔

اداکارہ سے جب اس سے متعلق رابطہ کیا گیا تو انہوں نے کہا کہ وہ میری بیٹی نہیں میں اس کی خالہ ہوں اور وہ بھانجی یعنی بہن کی بیٹی ہیں۔

ودیا بالن نے کہا کہ میری بہن کے جڑواں بچے ایرا اور روحان ہیں اور میرے ساتھ ویڈیو میں جس بچی کو دیکھا گیا وہ ایرا تھی جسے سب نے میری بیٹی بنا دیا۔

ودیا بالن نے 2012 میں بھارتی فلم پروڈیوسر سدھارتھ رائے کپور سے شادی کی تھی اس جوڑے کی تاحال کوئی اولاد نہیں ہے۔