پاکستان کرکٹ ٹیم کے فاسٹ بولر نسیم شاہ کے لیے متحدہ عرب امارات (یو اے ای) کا گولڈن ویزا جاری کردیا گیا۔

انسٹا گرام پر معروف کرکٹر نے گولڈن ویزا دینے پر متحدہ عرب امارات کا شکریہ ادا کیا۔

نسیم شاہ کا کا کہنا ہے کہ، ’ایک ایسے ملک سے گولڈن ویزا حاصل کرنا بہت بڑا اعزاز ہے جسے میں اپنا دوسرا گھر کہتا ہوں‘۔

متحدہ عرب امارات کی حکومت کی آفیشل ویب سائٹ کے مطابق، گولڈن ویزا ایک طویل مدتی رہائشی اجازت نامہ کی نمائندگی کرتا ہے جو غیر ملکی ٹیلنٹ کو خصوصی مراعات سے لطف اندوز ہونے کے ساتھ ساتھ ملک کے اندر رہنے، کام کرنے یا تعلیم حاصل کرنے کا موقع فراہم کرتا ہے۔

گولڈن ویزا کے اہل زمروں میں سرمایہ کار، کاروباری افراد، سائنسدان، غیر معمولی طلباء اور گریجویٹس، انسانی ہمدردی کی کوششوں میں پیش پیش اور فرنٹ لائن ہیروز شامل ہیں۔

گولڈن ویزا کے فوائد

ابتدائی طور پر چھ ماہ کے لیے ملک میں داخلے کے لیے متعدد اندراج کیے جائیں گے، جس سے رہائشی اجازت نامہ حاصل کرنے کے عمل کو آسان بنایا جائے گا۔

قابل تجدید طویل مدتی رہائشی ویزا کی دستیابی، جو پانچ یا دس سال کی مدت کے لیے درست ہے.

رہائش کے لئے اسپانسر کی ضرورت نہ ہونے کا استحقاق

رہائشی ویزے کی میعاد کو برقرار رکھتے ہوئے، معیاری چھ ماہ سے زیادہ طویل مدت کے لئے متحدہ عرب امارات سے باہر رہنے کی لچک

شریک حیات اور بچوں کی عمر سے قطع نظر ان کی کفالت کرنے کی صلاحیت

لامحدود تعداد میں گھریلو مددگاروں کو اسپانسر کرنے کی اجازت

گولڈن ویزا ہولڈر کے انتقال کی صورت میں فیملی کے لیے اجازت نامے کی میعاد ختم ہونے تک متحدہ عرب امارات میں رہائش کی شق