متعدد اسمارٹ فونز پر ایک اکاؤنٹ استعمال کرنے کی اپنی موجودہ صلاحیت کے علاوہ واٹس ایپ نے اب ایک ہی اینڈرائیڈ اسمارٹ فون پر دو الگ الگ اکاؤنٹس استعمال کرنے کی سہولت فراہم کرنے کا اعلان کردیا ہے۔

ٹیلی گرام کی یاد تازہ کرنے والا یہ فیچر کچھ عرصے کے لیے واٹس ایپ کے بیٹا ٹیسٹرز کے لیے قابل رسائی ہے، لیکن فی الحال اسے بتدریج مستحکم چینل پر متعارف کرایا جا رہا ہے۔

ایک ڈیوائس پر بیک وقت دو الگ الگ WhatsApp اکاؤنٹس چلانے کی یہ نئی صلاحیت دو اسمارٹ فون رکھنے یا ایپ کلوننگ کی خصوصیات کو استعمال کرنے کی ضرورت کو ختم کرتی ہے۔

مثال کے طور پر یہ آپ کو اپنے ذاتی اور کام کے اکاؤنٹس کو ایک ہی ڈیوائس پر رکھنے کی اجازت دیتی ہے۔

دوسرا WhatsApp اکاؤنٹ قائم کرنے کے لیے، ایک اضافی فون نمبر اور سم کارڈ، یا ملٹی سم یا eSIM فعالیت سے لیس فون کا ہونا ضروری ہے۔

اگر آپ کا دوسرا سم کارڈ کسی دوسرۓ ڈیوائس میں موجود ہو تو بھی آپ دوسرا WhatsApp اکاؤنٹ بنا سکتے ہیں، بشرطیکہ آپ لاگ ان کے لیے درکار سیکیورٹی کوڈ وصول کر سکیں۔

اس ضرورت کو پورا کرنے کے بعد، واٹس ایپ کی سیٹینگز پر جائیں، اپنے نام سے ملحق تیر پر کلک کریں، ”ایڈ اکاؤنٹ“ پر کلک کریں اور پھر فراہم کردہ ہدایات کے مطابق آگے بڑھیں۔

یہ بات ذہن میں رکھیں کہ ملٹی اکاؤنٹ فیچر ابھی سب کے لیے دستیاب نہیں ہے، یعنی اسے پوری دنیا میں ہر کسی تک پہنچنے میں شاید ایک یا دو ہفتے لگیں گے۔