جاپان کے دارالحکومت ٹوکیو میں صبح اسرائیلی سفارت خانے کے قریب ایک کار سیکیورٹی رکاوٹ سے ٹکرا گئی۔

ابتدائی اطلاعات کے مطابق سیکیورٹی رکاوٹ اسرائیلی سفارت خانہ کی حفاظت کے لئے 100 میٹر دور سڑک پر لگائی گئی تھی، جبکہ واقعے میں ایک پولیس افسر زخمی ہونے کی اطلاع ہے۔

ٹوکیو میٹروپولیٹن پولیس ڈیپارٹمنٹ نے 50 سالہ جاپانی مشتبہ شخص کو گرفتارکر لیا ہے، جس کے بارے میں خیال کیا جا رہا ہے کہ وہ دائیں بازو کے گروپ کا رکن ہے اور وہ کار چلا رہا تھا۔

پولیس نے واقعے کی تفتیش کا آغاز کردیا ہے، جبکہ جاپان بھر میں اسرائیلی جارحیت کے خلاف مظاہرے جاری ہیں، جس میں جاپانی پھرپور حصہ لے رہے ہیں۔