عالمی مارکیٹ میں سونے کی فی اونس قیمت میں 20 ڈالر اور پاکستان میں فی تولہ سونے کی قیمت میں 2 ہزار 200 روپے کا اضافہ ہوگیا۔

بین الاقوامی بلین مارکیٹ میں فی اونس سونے کی قیمت میں 20 ڈالر کا اضافہ ہوا اور عالمی میں سونے کی فی اونس قیمت 2 ہزار 6 ڈالر کی سطح پر پہنچ گئی۔

دوسری جانب جمعہ کے روز پاکستان میں بھی سونے کی قیمت بڑھ گئی اور مقامی صرافہ مارکیٹوں میں فی تولہ اور دس گرام سونے کی قیمت میں بالترتیب 2 ہزار 200 روپے اور 1886 روپے کا اضافہ ہوگیا۔

قیمتوں میں اضافے کے نتیجے میں کراچی، حیدرآباد، ملتان، لاہور، راولپنڈی، اسلام آباد، کوئٹہ اور پشاور کی صرافہ مارکیٹوں میں فی تولہ سونا بڑھ کر 2 لاکھ 16 ہزار 500 روپے کا ہوگیا، جب کہ 10 گرام سونے کی قیمت 1لاکھ 85 ہزار 614 روپے ہوگئی۔