Aaj News

ہفتہ, اپريل 13, 2024  
04 Shawwal 1445  

ماں نے ڈنڈا اٹھا کر بیٹے کو قاتلوں سے بچا لیا

ہریانہ کے علاقے بھوانی میں خاتون نے بہادری اورممتا کی اعلیٰ مثال قائم کردی
شائع 29 نومبر 2023 11:20am
اسکرین شاٹ
اسکرین شاٹ

بھارت کی شمالی ریاست ہریانہ کے علاقے بھوانی میں ایک خاتون نے بہادری اورممتا کی اعلیٰ مثال پیش کرتے ہوئے بلاخوف و خطرفائرنگ کرنے والوں کو اپنے بیٹے کو نشانہ بنانے سےروک دیا۔

سوشل میڈیا پر وائرل ہی سی ٹی وی فوٹیج میں دیکھا جاسکتا ہے کہ خاتون بانس کی چھڑی لے کر موٹر سائیکل پر سوار حملہ آوروں کا پیچھا کر رہی ہے۔

یہ واقعہ خاتون کے گھر کے قریب ہی پیش آیا۔

شکنتلا نامی خاتون نے انڈیا ٹوڈے ٹی وی کو بتایا کہ انہوں نے جو کچھ کیا وہ ایسا تھا جو کوئی بھی ماں اپنے بیٹے کے لیے کر گزرے گی۔

خاتون کے مطابق، ’میں اپنے مویشیوں کے باڑے میں جھاڑو لگا رہی تھی جب میں نے آوازیں سنیں۔ مجھے لگا کہ پٹاخوں کی آوازیں میرے مویشیوں کو پریشان کررہی ہیں تو میں باہر آئی اور پتہ چلا کہمیرے بیٹے ہریا پر حملہ کیا گیا تھا۔ اس لیے میں نے جھاڑو اٹھا کر اُن کا سامنا کیا‘۔

انہوں نے مزید کہا کہ اگر میری جگہ کوئی اور ماں بھی ہوتی تو اسی طرح بے خوف ہوکر دفاع کرتی جس طرح میں نے اپنے بیٹے کے لیے کیا۔

ویڈیو میں دیکھا جا سکتا ہے کہ 2 موٹر سائیکلوں پر سوارمسلح افراد اپنے گھر کے باہر کھڑے شخص پر گولیاں برسا رہے ہیں۔ گولیوں کا ہدف ہری کشن تھا، جسے ہریا کے نام سے بجانا جاتا ہے۔ فائرنگ ہوتے ہی ہریا گھر کے اندر داخل ہوکراپنی جان بچانے میں کامیاب رہا۔

فائرنگ کی آواز سن کر اس کی ماں نے غیر معمولی بہادری کا مظاہرہ کرتے ہوئے بندوق برداروں پر لاٹھی سے حملہ کیا اور کامیابی کے ساتھ ان کا پیچھا کیا۔

پولیس کا کہنا ہے کہ اس بہادر خاتون شکنتلا نے خطرے کا سامناکرنے کے باوجود غیر معمولی جرات کا مظاہرہ کیا۔

india

Haryana

mother chased away shooters

Comments are closed on this story.

تبصرے

تبولا

Taboola ads will show in this div