کنوینئر متحدہ قومی موومنٹ پاکستان (ایم کیو ایم) خالد مقبول صدیقی نے کہا ہے کہ ہمیں صاف و شفاف عام انتخابات ہوتے نظر نہیں آ رہے۔

کراچی میں پریس کانفرنس کرتے ہوئے خالد مقبول صدیقی نے کہا کہ 2018 انتخابات کے نتائج کس طرح مرتب ہوئے سب کے سامنے ہے، آج جلد انتخابات کی ضرورت کراچی کو ہے، لہذٰا ہم جلد صاف و شفاف الیکشن چاہتے ہیں۔

انہوں نے کہا کہ انصاف ہوتا ہوا نظر آنا ضروری ہے جو نظر نہیں آ رہا جب کہ صاف الیکشن بھی نہیں آرہے، ہم انتخابات سے قبل آئینی اور قانونی راستے اپنائیں گے، کچھ وجوہات سے لگ رہا ہے 15 سال کا لوٹا ہوا پیسہ استعمال ہو رہا ہے۔