Aaj News

ہفتہ, مئ 18, 2024  
09 Dhul-Qadah 1445  

شمالی کوریا نے اپنا دوسرا ایٹمی ری ایکٹر آن لائن کردیا

دارالحکومت پیانگ یانگ سے 100 کلومیٹر دور واقع ایٹمی ری ایکٹر سے گرم پانی نکلتا دیکھا جاسکتا ہے
شائع 23 دسمبر 2023 09:53am

شمالی کوریا نے اپنا دوسرا ایٹمی ری ایکٹر بظاہر آن لائن کردیا ہے۔ ایٹمی توانائی کے بین الاقوامی ادارے نے بتایا ہے کہ شمالی کوریا کی قیادت نے جس ایٹمی ری ایکٹر کو آن لائن کیا ہے وہ دارالحکومت پیانگ یانگ کے شمال میں 100 کلومیٹر کے فاصلے پر واقع ہے۔

آئی اے ای اے کے ایک بیان کے مطابق یانگ بیون کے علاقے میں واقع اس ایٹمی ری ایکٹر سے گرم پانی نکلتا دیکھا جاسکتا ہے۔

ایٹمی پروگرام شروع کرنے اور جاری رکھنے میں شمالی کوریا کو بہت سے الجھنوں کا سامنا رہا ہے۔ ایٹمی ہتھیاروں کے پھیلائو کی مخالفت کرنے والے ادارے شمالی کوریا پر جوہری عزائم کے حوالے سے شدید تنقید کرتے آئے ہیں۔ ان کا کہنا ہے کہ شمالی کوریا کے ایٹمی پروگرام کے جاری رہنے اور مستحکم ہونے سے خطے میں کشیدگی بڑھے گی۔ اس حوالے سے جنوبی کوریا اور جاپان کے تحفطات زیادہ ہیں۔

شمالی کوریا کو اپنے ایٹمی پروگرام کے حوالے سے غیر معمولی تکنیکی مشکلات کا سامنا رہا ہے۔ دوسرے ایٹمی ری ایکٹر کے لیے پلوٹونیم یانگ بیون ہی میں واقع پہلے ایٹمی ری ایکٹر سے حاصل کیا جاتا رہا ہے۔ یہ دوسرا ایٹمی ری ایکٹر شمالی کوریا کے جوہری اسلحہ خانے کے لیے مزید مواد فراہم کرنے کا ذریعہ بن سکتا ہے۔

North Korea

IAEA

ATOMIC REACTOR