کراچی میں ضلع ملیر کے علاقے جناح اسکوائر میں دکان میں دھماکے کے بعد آگ لگ گئی، جس پر فائر بریگیڈ کی دو گاڑیوں نے موقع پر پہنچ کر قابو پالیا۔

اہلَ علاقہ کا کہنا ہے کہ مونگ پھلی کے ٹھیلے پرنصب گیس سلینڈر میں دھماکے سے آگ لگی۔

فائر بریگیڈ حکام کے مطابق آتشزدگی سے ایک گودام کو نقصان پہنچا ہے جبکہ کولنگ کاعمل جاری ہے۔

دوسری جانب نادرن بائی پاس انڈس چوک پر آئل ٹینکر الٹ گیا، ٹینکر الٹنے سے کروڈ آئل سڑک پر پھیل گیا۔

پولیس اور ریسکیو ادارے جائے وقوعہ کی جانب روانہ ہوگئے۔

واقعے میں اب تک کسی جانی نقصان کی اطلاع نہیں ہے۔