پاکستان بار کونسل نے انتخابات میں مبینہ دھاندلی کی تحقیقات کیلئے آزاد کمیشن قائم کرنے کا مطالبہ کردیا ہے ساتھ ہی سابق کمشنر راولپنڈی کے چیف جسٹس پر الزامات پر سخت ردعمل کا اظہار کرتے ہوئے کہا ہے کہ چیف جسٹس پاکستان پر الزامات برداشت نہیں کر سکتے۔

پاکستان بار کونسل کی جانب سے جاری بیان میں کہا گیا کہ سابق کمشنر نے چیف جسٹس کو دھاندلی میں ملوث کرنے کیلئے بے بنیاد اور جھوٹے الزامات لگائے۔

’کمشنر راولپنڈی کی 7 مارچ کو ریٹائرمنٹ تھی، فیض حمید کے قریبی ساتھی‘

بار کونسل کا کہنا تھا کہ پوری وکلاء برادری چیف جسٹس، دیگر ججز اور سپریم کورٹ کے ساتھ کھڑی ہے، اس طرح کے جھوٹے الزامات چیف جسٹس اور سپریم کورٹ کو متنازع بنانے کی کوشش ہے۔

پاکستان بار کونسل کا کہنا تھا کہ چیف جسٹس اور سپریم کورٹ کا انتخابی عمل سے کوئی تعلق نہیں ہوتا، متعلقہ ادارے سابق کمشنر راولپنڈی کے الزامات کی تحقیقات کریں۔