سندھ ہائی کورٹ کا مختلف سوشل میڈیا پلیٹ فارم پر موجود قابل اعتراض مواد بلاک یا ہٹا کر رپورٹ پیش کرنے کا حکم دے دیا ہے۔

چیف جسٹس سندھ ہائیکورٹ جسٹس عقیل احمد کی سربراہی میں دو رکنی بینچ نے سوشل میڈیا سے فیملی وی لاگنگ کے نام پر فحاشی پھیلانے اور قابل اعتراض مواد ہٹانے سے متعلق مقدمے کا تحریری حکم نامہ جاری کردیا۔

عدالتی احکامات میں کہا گیا کہ پی ٹی اے اور دیگر غیر اخلاقی اور قابل اعتراض مواد سوشل میڈیا پلیٹ فارمز سے ہٹا کراکتیس جنوری کے حکم نامے پر عملدرآمد کرکے تیرہ مارچ تک رپورٹ پیش کی جائے۔

درخواست گزار عثمان فاروق ایڈووکیٹ نے درخواست میں موقف اپنایا کہ فیملی وی لاگنگ کے نام پر معاشرے میں فحاشی کو فروغ دیا جارہا ہے، پی ٹی اے ذمہ داری پوری کرنے میں ناکام رہا، استدعا کی سوشل میڈیا سے قابل اعتراض مواد ہٹانے کا حکم دیا جائے۔