Aaj News

بدھ, اپريل 24, 2024  
16 Shawwal 1445  

مساجد میں افطار پر پابندی

مساجد کے اماموں کو نمازیوں کو افطار پیش کرنے کیلئے عطیات جمع کرنے سے بھی روک دیا گیا
شائع 23 فروری 2024 09:07pm
فوٹو ۔۔ اے ایف پی
فوٹو ۔۔ اے ایف پی

سعودی عرب میں حکام نے رمضان المبارک کے دوران مساجد کے اندر افطار کرانے پر پابندی عائد کردی ہے۔

یہ اقدامات سعودی وزارت اسلامی امور کی جانب سے رمضان المبارک سے متعلق اقدامات کا حصہ ہیں۔

وزارت نے مساجد کو صاف ستھرا رکھنے کے لیے ان کے اندر افطاری پر پابندی عائد کردی اور ہدایت کی کہ ضیافتیں صحن میں مخصوص جگہ پر منعقد کی جائیں۔

سعودی حکومت نے ہدایات نامہ کے ذریعے مساجد کے اماموں کو ماہ صیام کے دوران نمازیوں کو افطار پیش کرنے کے لئے عطیات جمع کرنے سے بھی روک دیا ہے۔

مزید برآں مساجد کے اندر کیمروں کے استعمال پر بھی پابندی ہوگی تاکہ نماز کے دوران امام یا نمازیوں کی ویڈیو نہ بنائی جا سکے جبکہ مختلف ذرائع ابلاغ کے ذریعے نماز کی نشریات دکھانے پر بھی پابندی ہوگی۔

اس کے علاوہ آئمہ کرام پر زور دیا گیا کہ وہ نماز تراویح کو طول دینے سے گریز کریں اور نمازیوں کو فائدہ مند خطبات دیں، خاص طور پر رمضان کے مقدس مہینے کے روزے اور فضیلت پر روشنی ڈالی جائے۔

Muslim

Ramadan

Religion Islam

Comments are closed on this story.

تبصرے

تبولا

Taboola ads will show in this div