خیبرپختونخوا کے ضلع نوشہرہ میں واقع قصبے نظام پور میں جرگے نے شادی بیاہ کی تقریبات میں خواجہ سراؤں کے رقص اور ناچ گانوں پر پابندی عائد کردی ہے۔

نظام پور کے علاقہ عمائدین کا گرینڈ جرگہ ہوا جس میں علاقہ مشران اور مقامی ناظمین نے شرکت کی۔

اس موقع پر جرگہ عمائدین نے فیصلہ کیا کہ خواجہ سراؤں کی محفلوں، ناچ گانوں، ہوائی فائرنگ اور منشیات پر مکمل پابندی ہوگی۔

جرگے کے بعد عمائدین اور مقامی ناظمین نے اس حوالے سے ایک معاہدے پر دستخط بھی کیے۔