امریکی ریاست اوہایو کی ایک عدالت کے سامنے انوکھا مقدمہ آیا ہے۔ عدالت کو بتایا گیا ہے کہ ایک مُردے کے ذریعے اے ٹی ایم سے رقم نکلوائی گئی ہے۔

ایشٹابولا میونسپل کورٹ میں 63 سالہ کیرن کیسبام اور 55 سالہ لورین بی فیرالو پر مقدمہ چلایا جارہا ہے۔ ان پر الزام ہے کہ 80 سالہ شخص کے مرنے پر اُسے اے ٹی ایم لے گئیں اور انگوٹھے کے نشانات کی مدد سے رقوم نکوالنے کے بعد اُسے ایشٹابولا کاؤنٹی میڈیکل سینٹر کے ایمرجنسی روم میں چھوڑ کر فرار ہوگئیں۔

کئی گھنٹے گزرنے کے بعد انہوں نے بتایا کہ جس مُردے کو وہ چھوڑ گئی ہیں اس کا نام ڈگلس لیمین تھا اور اس کی عمر 80 سال تھی۔

پولیس افسران نے بتایا کہ اسپتال کے ایمرجنسی روم میں چھوڑنے کے کئی گھنٹے بعد اس لیے اطلاع دی گئی کہ پولیس پیچھا کرتی ہوئی ملزمان تک نہ پہنچ سکے۔