صدر مملکت آصف زرداری سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی ملاقات کی، جس میں ملکی سیکیورٹی صورتحال، مسلح افواج کی آپریشنل تیاریوں بارے اگاہ کیا۔ صدر نے کہا کہ پورا اعتماد ہے کہ سیکیورٹی فورسز اندرونی اور بیرونی سیکیورٹی چیلنجز پر کامیابی سے قابو پالیں گی۔

صدر مملکت سے چیئرمین جوائنٹ چیفس آف اسٹاف کمیٹی کی ملاقات ہوئی، جس میں جنرل ساحر شمشاد مرزا نے آصف زرداری کو صدر کا عہدہ سنبھالنے پر مبارکباد دی۔

چیئرمین جوائنٹ چیفس آف اسٹاف کمیٹی جنرل ساحر شمشاد نے صدر مملکت آصف زرداری کو ملکی سیکیورٹی صورتحال اور مسلح افواج کی آپریشنل تیاریوں کے بارے میں آگاہ کیا۔

جنرل ساحر شمشاد مرزا کا کہنا تھا کہ مسلح افواج اندرونی و بیرونی سیکیورٹی چیلنجز سے موثر انداز میں نمٹنے کی صلاحیت رکھتی ہیں۔

دوران ملاقات صدر مملکت نے قومی سرحدوں کے دفاع ، ملکی سماجی و اقتصادی ترقی میں مسلح افواج کے کردار کو سراہا اور کہا کہ پورا اعتماد ہے کہ سیکیورٹی فورسز اندرونی اور بیرونی سیکیورٹی چیلنجز پر کامیابی سے قابو پالیں گی۔

صدر آصف علی زرداری اور چیئرمین جوائنٹ چیفس آف اسٹاف کمیٹی کی ملاقات میں دہشت گردی کی لعنت کو قوم کے تعاون سے جڑ سے اکھاڑ پھینکنے کے عزم کا اظہار بھی کیا گیا۔