پاکستان مسلم لیگ (ن) نے کہا ہے کہ ’وزیر اعلیٰ پنجاب مریم نواز نے طلباء کے لئے تحفہ کے طور پر 20,000 بائیکس کی فراہمی کا آغاز کیا ہے‘۔

مسلم لیگ (ن) نے سماجی رابطے کی ویب سائیٹ ”ایکس“ پر پوسٹ میں کہا ہے کہ ان میں 19,000 پیٹرول بائیکس اور 1,000 الیکٹرک بائیکس شامل ہیں۔

ٹوئٹ میں لکھا گیا کہ ان بائیکس کی قیمتوں میں 20 ہزار کی ایڈوانس اور 2 سال کی ماہانہ اقساط شامل ہیں۔

مزید کہا گیا کہ بائیکس پر حکومت پنجاب کی جانب سے 1 ارب کی سبسڈی دی جائے گی۔

ٹوئٹ کے مطابق رجسٹریشن کے لئے ویب سائٹ http://bikes.punjab.gov.pk پر رجسٹر کیا جا سکتا ہے، اور رجسٹریشن کی آخری تاریخ 29 اپریل 2024 ہے۔