Aaj News

منگل, مئ 28, 2024  
19 Dhul-Qadah 1445  

سعودی اور ایرانی عہدیداروں کے دورہ پاکستان سے امریکہ کو تکلیف

بریفنگ میں امن کوششوں سے متعلق سوال کے جواب میں امریکی ترجمان کا اسرائیل پر حملوں پر واویلا
شائع 19 اپريل 2024 12:21pm

سعودی عرب اور ایران کے حکام کے دورہ پاکستان پر امریکا نے بدمزگی کا اظہار کیا ہے۔ امریکی محکمہ خارجہ کے نائب ترجمان ویدانت پٹیل نے پریس بریفنگ کے دوران سعودی و ایرانی حکام کے دوررہ پاکستان سے متعلق سوال پر امریکی تحفظات کا اظہار کیا۔

پریس بریفنگ میں جب یہ پوچھا گیا کہ کیا ان دوروں سے مشرقِ وسطیٰ میں امن کوششوں کو کامیابی ملے گی تو وہ جواب میں اسرائیل پر ایرانی حملوں کا ذکر کر بیٹھے۔ ان کا کہنا تھا کہ پہلے ہمیں ایرانی حملوں کے بارے میں بات کرنی چاہیے۔ میزائلوں کی بارش کرنے سے امن کے قیام یا بحالی میں مدد نہیں مل سکتی۔ انہوں نے کہا کہ ایران نے حال ہی میں اسرائیل پر جو حملے کیے ہیں اُس کے بعد سے بائیڈن انتظامیہ ایران کے ارادوں کے حوالے سے شکوک و شبہات میں مبتلا ہے۔

ایک اور سوال کے جواب میں ویدانت پٹیل نے کہا کہ پاکستان سے سیکیورٹی کے معاملات میں اشتراکِ عمل بہت اہم ہے۔ امریکا کے لیے پاکستان اہم پارٹنر ہے۔ اُس سے تعاون جاری رکھا جائے گا۔

ویدانت پٹیل نے بتایا کہ پاکستان کے وزیرِ خزانہ محمد اونگ زیب نے امریکی محکمہ خارجہ کے اعلیٰ عہدیداروں سے ملاقات کی۔ نائب ترجمان اس بات پر زور دیا کہ پاکستان معاشی چیلنجز سے نمٹنے کے لیے اقتصادی اصلاحات کے نفاذ کو ترجیح دے۔

vedant patel

Reservations

US DEPUTY SPOKESMAN

SAUDI IRANI VISITS

PAKISTAN EMBRACE REFORS