Aaj News

بدھ, جون 19, 2024  
12 Dhul-Hijjah 1445  

ایرانی صدر کی ایڈوانس سیکیورٹی ٹیم پاکستان پہنچ گئی

دفترِ خارجہ میں ایرانی سفیر کی آمد، ڈاکٹر ابراہیمی رئیسی کے دورے سے متعلق امور پر مشاورت
شائع 19 اپريل 2024 03:33pm

ایران کے صدر ڈاکٹر ابراہیم رئیسی کے دورہ پاکستان کے حوالے سے سیکیورٹی سے متعلق امور کا جائزہ لینے کا عمل تیز ہوگیا ہے۔

ایرانی صدر کے ہائی پروفائل دورے سے قبل سیکیورٹی سے متعلق امور کا بھرپور جائزہ لینے اور اس حوالے سے فول پروف انتظامات یقینی بنانے کے لیے ایرانی صدر کی ایڈوانس سیکیورٹی ٹیم پاکستان پہنچ گئی ہے۔

آج نیوز کے نمائندہ خصوصی نے بتایا کہ ایرانی صدر کی سیکیورٹی ٹیم متعلقہ پاکستانی حکام کے ساتھ مل کر ایرانی صدر کے لیے سیکیورٹی پلان کو حتمی شکل دے گی۔ دونوں ممالک کے حکام اس حوالے سے مشاورت کر رہے ہیں۔

صدر ڈاکٹر ابراہیم رئیسی کے دورہ پاکستان سے متعلق معاملات پر مشاورت کے لیے پاکستان میں متعین ایرانی سفیر رضا امیری مقدم نے آج دفترِ خارجہ کا دورہ کیا۔ انہوں نے وزارتِ خارجہ کے اعلیٰ حکام سے ملاقات کی جس میں متعلقہ امور پر مشاورت ہوئی۔

DR IBRAHIM RAEESI

ADVANCE SECURITY TEAM

IRANI ENVOY VISITS FOREIGN OFFICE

HIGH PROFILE VISIT