Aaj News

اتوار, مئ 26, 2024  
17 Dhul-Qadah 1445  

بیرسٹرحسان نیازی سمیت 2 افراد جیلوں سے غائب کردیئے گئے، پی ٹی آئی کا دعویٰ

ساری مراعات صرف اشرافیہ کیلئے ہیں، حکمرانی کا حق عوام کو دیا جائے، شعیب شاہین کی میڈیا ٹاک
شائع 19 اپريل 2024 05:08pm

پی ٹی آئی رہنما شعیب شاہین نے دعویٰ کیا ہے کہ بیرسٹر حسان نیازی سمیت دو افراد کو جیل سے غائب کردیا گیا ہے۔ بادشاہوں اور جنگلوں کے بھی کچھ قانون ہوتے ہیں مگر افسوس کہ پاکستان میں قانون کی حکمرانی نہیں رہی۔

شعیب شاہین کا کہنا ہے کہ سارا پاکستان کہہ رہا ہے چیف جسٹس مدت میں توسیع لے رہے ہیں۔ ہمارے حکمرانوں کے بچے اور جائیدادیں ملک سے باہر ہیں تو سرماری کاری کیسے آئے گی؟ پاکستان میں انصاف اور قانون کا گلا دبایا جارہا ہے۔ ہمارا مطالبہ ہے کہ 6 ججز والا معاملہ فل کورٹ کو بھیجا جائے۔

اڈیالہ جیل کے باہر میڈیا سے گفتگو میں شعیب شاہین نے کہا کہ جس ملک میں قانون کی بالا دستی نہ ہو وہاں کوئی بھی غیر ملکی سرمایہ کار اپنا سرمایہ کیوں لگانا چاہیے گا؟ ہمارا مطالبہ تھا کہ فارم 45 پر کمیشن بنایا جائے مگر ہماری بات نہیں سُنی گئی۔

شعیب شاہین کا کہنا تھا کہ نواز شریف کے معاملے میں تیزی سے اںصاف کیا گیا۔ ریاستی مشینری ایئر پورٹ پر پہنچائی گئی۔ ہم نے گزشتہ سال انسانی حقوق کی خلاف ورزی پر درخواست دی تو اس پر کوئی شُنوائی نہیں ہوئی۔ 5 رکنی بینچ کا فیصلہ ہے کہ بانی پی ٹی آئی کے خلاف تعصب رکھنے والے کیس نہیں سن سکتے۔

شعیب شاہین نے چیف جسٹس سے مطالبہ کیا کہ بہاول نگر کے واقعے پر سوموٹو ایکشن لیں۔ اڈیالہ جیل میں قانون کو مذاق بنادیا گیا۔ پاکستان سے لوٹا ہوا پیسہ واپس لایا جائے تو ڈالر 50 روپے کا ہوجائے گا۔ ساری مراعات اشرافیہ کو ملتی ہیں۔ حکمرانی کا حق عوام کو دیا جائے۔

Chief Justice

Extension

SHUAIB SHAHEEN

BARRISTER HASSAN NIAZI AND TWO OTHERS

NO RULE OF LAW