Aaj News

اتوار, مئ 26, 2024  
17 Dhul-Qadah 1445  

آئی سی سی نے یوسین بولٹ کو ٹی 20 ورلڈ کپ کا سفیر مقرر کردیا

20 کرکٹ ورلڈ کپ یکم جون سے 29 جون تک امریکا اور ویسٹ انڈیز میں کھیلا جانا ہے
شائع 24 اپريل 2024 08:09pm

انٹرنیشنل کرکٹ کونسل (آئی سی سی) کا ٹی 20 ورلڈ کپ کے بارے میں اہم اقدام، اولمپک لیجنڈ یوسین بولٹ کو ٹی 20 ورلڈ کپ کا سفیر مقرر کردیا۔

آٸی سی سی ٹی 20 کرکٹ ورلڈ کپ یکم جون سے 29 جون تک امریکا اور ویسٹ انڈیز میں کھیلا جانا ہے جس کے لیے انٹرنیشنل کرکٹ کونسل نے 3 اولمپک گیمز میں مسلسل گولڈ میڈلز جیتے والے یوسین بولٹ کو سفیر مقرر کرنے کا اعلان کیا ہے۔

دنیا کے تیز ترین ایتھلیٹ ہونے کا اعزاز رکھنے والے یوسین بولٹ نے آٸی سی سی کی اس تقرری پر خوشی کا اظہار کرتے ہوئے کہا کہ وہ ویسٹ انڈیزمیں ٹی 20 ورلڈ کپ کے میچز دیکھنے کے لیے بے تاب ہیں، کرکٹ ورلڈ کپ میں ویسٹ انڈیز کی بھرپور سپورٹ کروں گا۔

اولمپک لیجنڈ نے مزید کہا کہ کیریبین جہاں کرکٹ زندگی کا حصہ ہے، اس کھیل نے ہمیشہ ایک خاص مقام رکھا ہے، میرا دل اور میں ورلڈ کپ میں ویسٹ انڈیز کے میچوں میں شرکت کرنے اور عالمی سطح پر کرکٹ کی ترقی میں اپنا حصہ ڈالنے کے منتظر ہیں۔

ICC

dubai

ICC T20 World Cup

INTERNATIONAL CRICKET COUNCIL (ICC)

t20 world cup 2024

Athlete

usain bolt